چوروں کو مور

ایک لڑکی تھی دیوانی سی
پی ایم سی میں پڑھتی تھی

میرے پی ایم سی کے ایڈمیشن کے بعد فولنگ کا ایک نہایت انٹرسٹنگ سلسلہ شروع ہو گیا جو کافی عرصہ چلا ۔۔۔۔

ایک مزیدار واقعہ ۔۔۔۔ جو آج لکھتے ہوئے بھی مجھے ہنسی آ رہی ہے ۔۔۔شئر کر رہی ہوں

ایڈ میشن کے کچھ دن بعد ہی سیکنڈ میرٹ لسٹ لگ گئی کافی لوگ کیو ایم سی سے اور نیو ایڈمشن بھی آئے ۔۔۔۔۔

ہماری اب تک رج کے ہو چُکی تھی…….. (فولنگ) ۔۔۔

کانفیڈنس تو پہلے ماشااللّہ تھا ہی اب فولنگ میں مہارت حاصل ہو گئی تھی ( کرنے اور کروانےکی ) ۔۔۔۔۔

تقریباً شام کا وقت تھا میں اورخولہ سیڑھیوں کے پاس سیکنڈ فلور پہ کھڑے تھے ۔۔۔۔۔ایک انڈر ویٹ بچی آئی ۔۔۔
“باجی یہ فرسٹ ائیر کے رومز یہی ہیں ؟؟؟”
پتہ تو چل گیا تھا مجھے کہ “ بچی “ مجھے سینئر سمجھ رہی ہے ۔۔۔چنانچہ موقعہ سے بھر پور فائدہ اُٹھایا ۔۔۔۔
“باجی کس کو کہا ہے ؟؟”😕
“وہ آپکو کہا تھا ۔۔ آپ کس ائیر میں ہیں “
“فورتھ ائیر میں ہوں مگر خبردار باجی کہا” ۔۔۔
“جی!” ۔۔۔ نہایت گھبرائی اور پریشان حال شکل ۔۔۔۔
“جی میم ۔۔۔ آپکا نام ؟؟”
“میرا نام مہوش ہے”
“اور میں سونیا” ۔۔۔
(سونیا اور مہوش ہماری سینئر ہوتی تھی فورتھ ائیر کی جو نہایت ھولناک فولنگ کرتی تھی )
لڑکی نے اپنا نام بتایا ۔۔۔میں اور خولہ اس کو لے کے ھاسٹل کے باہر آ گئے جہاں بسیں کھڑی ہوتی تھیں ۔۔۔۔۔
“چلو بھئ بس کی پچھلی سیڑیوں سے بس کے اوپر چڑھ جاؤ” ۔۔۔۔”جی باجی” ۔۔۔۔۔
“پھر باجی کہا؟” 😠
“سوری سوری” ۔۔۔۔۔
“”چلو بس کی چھت پہ کھڑی ہو کہ گانا سُناؤ ۔۔۔۔۔۔۔۔
لڑکی گانا سٹارٹ ۔۔۔۔۔
سانولی سلونی سی محبوبہ ۔۔۔۔
“خاموش ۔۔۔ گُستاخ تُم نے اِسے ( یعنی مجھے ) سانولی کہا؟” (سونیا یعنی خولہ بولی ) ۔۔۔۔۔
“سوری سوری دوسرا سُناؤں ؟؟؟ “
“”ہاں سُناؤ ۔۔۔
گورے رنگ کا زمانہ کبھی ہو گا نا پرانا گوری ڈر تجھے کس کا ہے ۔۔۔۔
“حدِ ادب شرم کرو ۔۔۔۔۔ اب تم اِسےٹونٹ کر رہی ہو؟” خولہ نے میری طرف اشارہ کیا 😆
لڑکی فُل گھبرا چُکی تھی
“آپ جو کہیں گی سُناؤں گی” 
“نہیں اب ہمارا موڈ خراب ہو گیا ہے ۔۔۔چلو کوا بن کے دکھاؤ”
کائیں کائیں کائیں وہ کوا بن گئی اپنی طرف سے ۔۔۔۔
خولہ کہتی “او ہیلو صحیح طرح کا کوا بنو” ۔۔۔۔۔
ساتھ ہی لڑکی نے اپنے بازو پھیلا کے اڑنے کی ایکٹنگ کی ۔۔۔۔”کائیں کائین کائیں”

 
اتنے میں دور سڑک پہ چندسینئر لڑکے ھاسٹل کی طرف گامزن دکھائی دئے جن کو ہم دیکھ سکتے تھے مگر لڑکی کو نظر نہیں آ رہے تھے ۔۔۔جب کہ لڑکی ابھی بھی کوا بنی ہوئی تھی ۔۔۔۔

میں نے ذور دار چیخ ماری “بھاگو” ۔۔۔۔ میں اور خولہ عائشہ ہال کے اندر لڑکی ہمارے پیچھے پیچھے
بد قسمت بیچاری یہیں سے بھاگ جاتی ۔۔۔۔۔ مگر ستارے گردش میں تھے اندر آ کے کہتی ۔۔۔۔”اب میں جاؤں ؟؟؟”۔۔۔۔۔
نہیں چلو ہمارے ساتھ ۔۔۔۔۔

اس کو ھاسٹل کی کینٹین لے کر چلے گئے ۔۔۔۔ “چلو ہم دونوں کے لئے برگر اورچپس لے کہ آؤ ۔۔۔اور سنو !! ساتھ کوک بھی لانا” ۔۔۔ ہم دونوں سامنے رکھی کرسیوں پر بیٹھ گئیں ۔۔
یہاں یہ بتاتی چلوں ہماری اب تک تقریباً سب سے ٹکا کے فولنگ ہو چکی تھی سوائے سونیا اور مہوش کے ۔۔۔جو کہ فولنگ کی دنیا کی بے تاج بادشاہ یا شہزادیاں کہلائی جاتی تھیں۔ جیسے ہی خبر ملتی تھی کہ یہ دونوں فولنگ کر رہی ہم کہیں نا کہیں چھُپ جاتے ۔۔۔۔۔

خیر لڑکی نے آواز دی “سونیا آپی مہوش آپی دونوں کی کوک ؟؟؟”۔۔۔ ہم نے کہاں “ہاں دونوں کوک” ۔۔۔

ہم دونوں نہایت خوش کہ کیا فولنگ کی ہے زبردست کمال ہو گئی بھئی ۔۔۔۔اتنے میں برگر چپس بوتلیں آ گئی ۔۔۔۔۔ ہم نے کہا “چلو شاباش اب جاؤ یہاں سے” ۔۔۔۔

لڑکی کو پھر بھی چین نا آیا ۔۔۔۔ ایویں تھنک یو تھینک یو کہی جائے۔۔۔۔۔کہتی ایویں سب ڈرا رہے تھے سونیا مہوش بڑی فضول فولنگ کرتی آپ دونوں تو بہت اچھی ہیں میں نے کہا او کے اب جاؤ ۔۔۔۔۔۔لڑکی چلی گئی ۔۔۔۔۔الحمداللہ

اتنے میں پاس بیٹھی 3,2 سینئر میں سے ایک کی آواز آئی ۔۔۔
“اے ۔۔۔۔ ادھر آو” ۔۔۔ میں نے پاس جا کہ منمناتی آواز میں کہا “جی آپی؟” ۔۔۔۔ کہتی “کیا نام ہے تمہارا “
“جی عائشہ ۔۔۔اور یہ خولہ” ۔۔۔
“اچھا یہ سونیا ۔۔۔ مہوش کون ہے تم میں سے ؟؟؟؟؟” “جی کوئی نہیں جی” ۔۔۔
“میرا پتا ہے ؟؟؟”
“نہیں جی” ۔۔۔
“میں سونیا ہوں اور یہ مہوش ۔۔۔۔۔ چلو اب جا کے برگر بوتل جو کھائی ہیں ہمارا نام لے کر، وہ ہمارے لئے لے کر آؤ”۔۔۔۔ 😰😰😰
دو کھائے تھے ۳ کھلانے پڑے ۔۔۔۔۔۔

بات یہں ختم نہیں ہوئی ۔۔۔۔۔
اگلے دن لیکچر ہال میں داخل ہو رہے اناٹومی کے ۔۔۔۔ لڑکی بھاگی بھاگی آئی
“آپ یہاں؟”
خولہ کہتی “ہم کبھی کبھی اناٹومی کے لیکچر بھی لیتے ہیں سر ہمیں بُلا لیتے ہیں” ۔۔۔
امپریس لڑکی قابِل ستائش نظروں سے دیکھتے ہوئے۔۔۔۔ “آپ بہت انٹیلیجنٹ ہوں گی “
“ہمممممممم۔”۔۔۔۔

اچانک دروازے میں کو ئی ٹیچر ۔۔۔ شاید حافظ صاب ۔۔۔
ہم دونوں چھلانگ لگاتے پچھلی بنچ پہ براجمان ۔۔۔۔۔۔۔
لڑکی نے خونخوار غصیلی نظروں سے گھورا ۔۔۔۔ اسکا بس نہیں چل رہا تھا ۔۔۔ کچا چبا جائے ۔۔۔ بھون ڈالے کالے چنے والی ریت کی کڑاہی میں۔ ۔۔۔۔ ہم دونوں ڈھیٹوں کی طرح دانت نکال رہے تھے ۔۔۔۔ لیکچر ختم ہونے کے بعد آئی اور کہتی “شرم تو نہیں آتی” 😆😆😆
ہم ڈھیٹ ویسے کہ ویسے ۔۔۔۔میں نے آگے بڑھ کے دوستی کا ہاتھ بڑھایا ۔۔۔وہ ہنس پڑی اور آج بھی ہنستی ہے ۔۔۔۔ گروپ میں ہے مگر نام نہیں بتاؤں گی ۔۔۔۔ کہیں کوا بننے اوربس پہ گلوکاری پہ آج شرمندہ نا ہو جائے ۔۔۔ ماشاللہ بڑی مشہور اور کامیاب ڈاکٹرنی صاحبہ ہیں