جھانسی کی رانی
وہ پشتو میں کہتے ھیں نا۔۔۔۔
“ گرتے ہیں شہ سوار ہی میدان ِجنگ میں “
یہ بات فرسٹ ائیر سے ہی آپکی بہن نے پلے باندھ لی اور بہت ہی کَس کے باندھی ۔۔۔ اتنی کہ میدانِ جنگ نے تنگ آ کر خود ہی کہا “باجی بڑ ی ہو گئی، ہُن اُٹھ وی جا” ۔۔۔
تب کہیں جا کے فائنل پروف کلئیر ہوا۔۔۔
یہ بات ہے فرسٹ ائیر آنے کے چند دن بعد کی ۔۔۔۔
پہلی سٹیج تھی اپر لمب کی ۔۔۔ شائید آپ میں سے کسی کو یاد ہو ۔ وائیوا تھا
اُس دن ہم سب فل تیاریوں کے ساتھ وائوا دینے پہنچ گئے ۔۔۔۔
لو جی دلی مراد بر آئی ۔۔۔
جیسے لاٹری نکل آئی ۔۔۔
جیسے شاعر کا خواب ۔۔۔۔
جیسے چاندنی رات۔۔۔۔
جیسے نغمے کی بات ۔۔۔۔
کچھ زیادہ ہو گیا 😁
جناب ۔۔۔۔کیا دیکھتے ہیں ۔۔۔۔ اناٹومی ڈپارٹمنٹ کے عین باہر ایم ایس ایف کے کم از کم 20 – 25 “کمسن” کارندے کھڑے ہیں ۔۔۔ اور دے نعرے پہ نعرہ۔۔۔۔
اک چڑھتا سورج ۔۔۔۔
سورج کی کرنیں ۔۔۔۔۔
کرنوں کی روانی ۔۔۔۔
میری جان جوانی ۔۔۔۔
اسٹرائیک ہے دوستو ۔۔۔آج کوئی وائوا شاائوا نہیں ہو گا ۔۔۔😀
اب “کم سن” کارندوں کی تفصیل میں کیا ہی بیان کروں ۔۔۔۔
دیکھ کے قدرت کی اس کاریگری کو، دنگ رہ گئی میری عقل
بڑی بڑی مونچھیں ، خونخوار نظریں ماشااللّہ ایسی تھی شکل
دل ہی دل میں سب خوش ہیں پر اوپر سے شو کر رہے جیسے بہت دُکھی ہوں ۔۔۔اور لگے آپس میں چہ مگوئیاں کرنے
“یار اتنی اچھی تیاری تھی ۔۔ یہ کیا مصیبت ہے”
“یار ان لوگوں کو کون سمجھائے ۔۔۔کوئی تو ہمت کرے” ۔۔۔
میں نے کہا “میں بات کرتی ہوں” ۔۔۔
کافی دوست فوراً بول پڑے ۔۔۔ “ہاں ہاں کرو بات ۔۔ ہم نے وائوا دینا ہے اور ضرور ہی دینا ہے”
بس۔۔۔ یہاں سے انٹری ماری جھانسی کی رانی عرف عائشہ نِمانی نے ۔۔۔
“دیکھیں بھائی آپ جو کوئی بھی ہیں جس بھی وجہ سے اسٹرائک کر رہے ہیں مجھے کوئی فرق نہیں پڑتا ۔۔۔ پلیز راستہ دیں “ ہم “ نے وائوا دینا ہی دینا ہے” ۔۔۔
“دیکھو بچے اگر آپ اکیلی وائوا دو گی سب کی ابسنٹ مارک ہو گی” ۔۔۔۔
“بھائی میں اکیلی کیوں دوں گی “ ہم “ سب دیں گے وائوا”۔۔۔۔
“آپ پہلے کنفرم کریں کون ہے آپکے ساتھ” ۔۔۔۔(۱۰ منٹ کی بحث)
“بھائ راستہ دیں “ ہم “ سب ہیں” ۔۔۔
ایک خرانٹ سی مسکراہٹ۔۔۔۔ “یہ لو راستہ” ۔۔۔۔
میں خوش ہوتے ہوئے آگے آگے چل پڑی ۔۔۔ 5 سیکنڈ میں محسوس ہوا کہ “آگے آگے” صرف میں ہی چل رہی تھی سارے “ہم” “پیچھے پیچھے” ہی رہ گئے تھے 😣
غصہ ،ندامت ، شرمندگی کچھ سمجھ نہیں آ رہی تھی عجیب کیفیت تھی ۔۔۔۔
خیر، کمال اعتماد کا ثبوت دیتے ہوئے ڈیپارٹمنٹ میں داخل ہو گئی ۔۔۔اور سیدھے حافظ صاحب کے آفس ۔۔۔ چہرے پہ فخریہ مسکان ۔۔۔ آج میں تعلیم کی خاطر دنیا سے لڑ آئی ہوں ۔۔۔
“سر مے آئی کم اِن ؟؟؟”
“ہمممممم۔۔۔۔بیٹھو ۔۔۔باقی سب کہاں ہیں ؟؟”
“سر ایم ایس ایف والوں نے روک رکھا ہے” ۔۔۔
“تو تم کیا کرنے آئی ہو ؟؟؟؟”
🤔😳
ڈھیں ڈھین ڈھناک ۔۔ انڈین ڈرامے کا بیک گراؤنڈ میوزک
“سر وائوا دینے” ۔۔۔۔
“لڑکی یہ بات کان کھول کہ سُن لو، اگر تم اکیلی وائوا دو گی تو باقی ساری کلاس کی ابسنٹ مارک ہو گی۔۔۔۔۔لہٰذا سوچ لو” ۔۔۔
“جی سر” ۔۔۔۔ سوچ تو میں لیتی مگر سر کے اگلے جملے نے سوچنے لائق نہیں رکھا ۔۔۔
“ویسے بھی جو مرضی کر لو پاس تم پھر بھی نہیں ہو سکتی۔۔ بہتر ہے پھر سوچ لو” ۔۔۔۔
آگے سمجھ تو آپ گئے ہوں گے ۔۔۔
یوں جھانسی کی رانی نے واپسی کا رُخ کیا۔۔
۔واپس آتے ہی گیدڑوں۔۔۔ اوہ سوری، دوستوں کی فوج میری طرف دوڑی
“کیا ہوا سر نے کیا پوچھا ؟؟؟”
“یار اگر میں وائوا دیتی تو تم سب کی ابسنٹ مارک ہو جاتی ۔۔۔ مجھے اچھا نہیں لگتا” ۔۔۔ مہان جھانسی کی رانی فخر سے واپس آ گئیں ۔۔۔ اب اندر کیا ہوا یہ مجھے پتہ تھا یا ایم ایس ایف کے بزرگوں کو ۔۔۔ جو مجھے آتا دیکھ کر بتیسی نکال رہے تھے۔ ایک تو میرے پاس آ کے بولا۔۔ “لے لیا اُنھوں نے وائوا” 🙄 ۔۔۔
اللہ نے زندگی لکھی تھی اُسکی بچ گیا میرے ہاتھوں ورنہ ۔۔۔۔۔۔۔
اور ہاں بات یہیں ختم نہیں ہوئی اس کے بعد اللہ جھوٹ نا بلوائے ہر وائوا حافظ صاحب نے لیا اور فدوی کو ہر ایک امتحان بار بار دینا پڑا 😪
